सीडीमा कथा

रमझम

सीडीमा कथा

प्रिन्ट ईमेल सम्पादकलाई चिट्ठी अक्षरको आकार: | |

नेपाली साहित्यले गुम्दै गएका पाठक समेट्न प्रविधि उपयोग गर्न थालेको छ। यसअघि जेल जर्नल (बीपी कोइराला), सेतो बाघ (डायमन शमशेर राणा) र सोच (कर्ण शाक्य) का सीडी बजारमा आएका थिए। अहिले युवा साहित्यकार अनमोलमणिको कथा सङ्ग्रह नीलिमा र गाढा अँध्यारो सीडीमा सुन्न सकिने छ।

१ घण्टा १४ मिनेटको यो सीडीमा नीलिमा र गाढा अँध्यारो का एक दर्जन कथामध्ये पाँच वटा सुन्न पाइन्छ। कथा मनपराउने तर पढ्न नभ्याउनेहरूले अब सीडी प्लेयर, आइपोड, पेन ड्राइभ, एमपी थ्री, डेस्कटप वा ल्यापटपबाट साहित्यको स्वाद लिन सक्नेछन्। लामो यात्राका वेला यो अझ् स्वादिलो हुनेछ। अनमोलमणिले रु.१२५ को यो सीडी दृष्टिविहीनहरूलाई निःशुल्क वितरण गरेको बताए। सीडीमा पार्श्व सङ्गीतसहित कथा वाचन अच्युत घिमिरेले गरेका छन्।

you can read this article on Himal Khabar Patrika or you can click

 http://himalkhabar.com/news.php?id=3667